മെഴുകു തിരി

സ്വയം ഉരുകി തീർന്ന ഒരു മെഴുകു തിരി കഷ്ണം ,

അരൂപയായി വിരൂപ ആയി മരണത്തെ പ്രാപിച്ചു ,

എരിയുന്ന അഗ്നിയോട് ഒന്ന് പറയാമായിരുന്നു ,

"എന്നെ നശിപ്പിക്കരുതെന്നു ",

അരികിലൂടെ മൂളി പാട്ട് പാടി പോയ കാറ്റിനോട്, 

"സഹായഹസ്തം ആവശ്യപെടാമായിരുന്നു ",

കണ്ണുകൾ അടച്ച് സ്വയം പോരാടാമായിരുന്നു, 

സ്വയം ഉരുകി തീർന്ന നിന്നോടെനിക്ക് പുച്ഛമാണ് ,

വെളിച്ചും പകർന്നെന്നു പറഞ്ഞു  അഭിമാനിക്കുംബോൾ ഓർക്കുക, 

നിന്നെ ഓർത്തു കണ്ണുനീർ പൊഴിക്കാൻ ആരുമില്ല ,
സഹതപിക്കാൻ ആരുമില്ല ,

നിന്റെ ത്യാഗത്തെ പ്രസംസിക്കാനും ആരുമില്ല ,

നീയൊരു പാഴ് വസ്തു മാത്രം ആണ് ,

സ്ക്രാപ്പ് വാല്യൂ  പോലും ഇല്ലാത്ത ഒരു വേസ്റ്റ്  മെറ്റീരിയൽ !!!